საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და იაპონიის საერთაშორისო თანამშრომლობის სააგენტოს (JICA) ერთობლივი პროექტის ფაქრგლებში, აჭარაში ა(ა) იპ ექთანთა გაერთიანება და ა(ა) იპ საქართველოს მეან - ექთანთა ასოციაცია ანხორციელებს ექთნებისა და მეანი - ექთნების გადამზადებას დედისა და ბავშვის ჯანმრთელობის წიგნის დანერგვის პილოტირების ფორმატში (2024; 2027).

დედისა და ბავშვის ჯანმრთელობის წიგნის მიზანია საქართველოში დედებისა და ბავშვების ჯანმრთელობაზე ზრუნვის ხარისხისა და უწყვეტობის უზრუნველყოფა კერძოდ:

• ანტენატალური, მშობიარობის შემდგომი და ადრეული ბავშვობის პერიოდის მომსახურების გაფართოება და ხარისხის გაუმჯობესება;

• დედის, ახალშობილისა და ბავშვის ჯანმრთელობის შესახებ როგორც ქალის, ისე მისი ოჯახის წევრების ინფორმირებულობის ამაღლება;

• ორსულობის, მშობიარობის შემდგომი და ადრეული ბავშვობის პერიოდში სამედიცინო მომსახურების მიმწოდებლებსა და ორსულებს, დედებსა და მათი ოჯახის წევრებს შორის კომუნიკაციის გაძლიერება;

• დედებისა და ბავშვების ჯანმრთელობის პრობლემების ადრეული გამოვლენის, დაავადებათა პრევენციისა და მართვის ხელშეწყობა;

• უწყვეტი და ხარისხიანი მომსახურებების მიწოდება დედისა და ბავშვის ჯანმრთელობის სფეროში.

აჭარაში პროექტის პილოტირების ფარგლებში მინდინარეობს ჯანდაცვის პერსონალის (პილოტირებისთვის შერჩეული სამედიცინო დაწესებულებების ადმინისტრაციული პერსონალი, ექიმები, ექთნები, მეანი ექთნები) გადამზადება.

• MCH წიგნის დანერგვა/პილოტირება - წიგნის გამოყენების ტრენინგის შემდგომ ჯანადცვის პერსონალის/ექთნებისა და მეანი-ექთნების ფოკუსირებული სწავლება;
• ექთნებისა და მეანი ექთნების როლების განმარტება საკანონმდებლო რეგულაციებთან შესაბამისობაში;
• MCH წიგნის გამოყენების სწავლება / ექთნებისა და მეანი ექთნების პრაქტიკის სფეროს სტანდარტებთან შესაბამისობაში განხილვა (კომპეტენციები, მოვალეობები, ამოცანები);
• MCH წიგნის გამოყენების სწავლება / ექთნებისა და მეანი ექთნების როლებისა და პასუხისმგებლობების გააზრება/გაზიარება.